ئەعرەجی: عێراق سەرکەوتوو بووە لە شیاندنەوە و تێکەڵکردنەوەی خێزانە گەڕاوەکان لە کەمپی هۆل
قاسم ئەعرەجی، ڕاوێژکاری ئاسایشی نەتەوەیی، ئەمڕۆ پێنجشەممە جەختی کردەوە کە عێراق سەرکەوتوو بووە لە شیاندنەوە و تێکەڵکردنەوەی خێزانە گەڕاوەکان لە کەمپی هۆل بۆ ناو کۆمەڵگە.
نووسینگەی ڕاگەیاندنی ڕاوێژکاری ئاسایشی نەتەوەیی لە ڕاگەیەندراوێکدا کە دەستی ئاژانسی هەواڵی عێراقی موتەڵع کەوتووه، ڕایگەیاند: قاسم ئەعرەجی ڕاوێژکاری ئاسایشی نەتەوەیی، پێشوازی کرد لە سەرۆکی لیژنەی سەربازی هاوپەیمانی باکووری ئەتڵەسی (ناتۆ)، دەریاوان (ئەدمیراڵ) جۆزی دراغۆن و وەفدی یاوەری، بە ئامادەبوونی فەرماندەی نێرەی ناتۆ لە عێراق، کریستۆف هێنتزی.
ڕاگەیەنراوەکە ڕوونیکردەوە کە دیدارەکە باسی لە ڕێگاکانی پەرەپێدانی پەیوەندییەکانی نێوان عێراق و هاوپەیمانییەکە کرد، بەتایبەتی لە بوارەکانی مەشق و ئاڵوگۆڕی شارەزایی و ڕاوێژکاری.
ئەعرەجی جەختی کردەوە کە نێرەی هاوپەیمانی (ناتۆ) لە عێراق نێرەیەکی ڕاوێژکارییە و جەنگی نییە، ئاماژەی بەوەشکرد کە سەردانی سەرۆکی ئەنجومەنی وەزیران بۆ برۆکسل ڕەنگدانەوەی پەرۆشی عێراقە بۆ بەهێزکردنی پەیوەندییەکانی لەگەڵ وڵاتانی (ناتۆ) بەشێوەیەک کە خزمەت بە بەرژەوەندییە هاوبەشەکان بکات.
جەختیشی کردەوە لەسەر گرنگیدانی عێراق بە هەڵوەشاندنەوەی کەمپی هۆل بەهۆی ئەو مەترسییەی کە دروستی دەکات لەسەر ئاسایشی نیشتمانی و هەرێمی و نێودەوڵەتی، ڕوونیشیکردەوە کە عێراق کار دەکات بۆ گواستنەوەی کۆتا هاوڵاتی عێراقی لە کەمپەکەوە بەشێوەیەکی خۆبەخشانە.
ئاماژەی بەوەشدا کە عێراق سەرکەوتوو بووە لە شیاندنەوە و تێکەڵکردنەوەی خێزانە گەڕاوەکان لە کەمپەکەوە بۆ ناو کۆمەڵگەی عێراقی، وە ئەم دۆسیەیە بە پلەی یەکەم سروشتێکی مرۆیی هەیە.
وتیشی کە تیرۆر هەڕەشە لە ئاشتی کۆمەڵایەتی و نێودەوڵەتی دەکات، وەک نموونەش باسی لە ئەو کردەوە تیرۆریستیانە کرد کە لە سیدنی و تەدمور و ئیدلیب ڕوویاندا.
جەختیشی کردەوە کە تیرۆر پەیوەست نییە بە کات یان شوێنێکی دیاریکراوەوە، ئەمەش وا لە کۆمەڵگەی نێودەوڵەتی دەخوازێت کار بکات بۆ وشککردنی سەرچاوە ڕاگەیاندنی و دارایی و مرۆییەکانی.
لەلایەن خۆیەوە، سەرۆکی لیژنەی سەربازی هاوپەیمانی (ناتۆ)، پیرۆزبایی لە عێراق کرد بەبۆنەی سەرکەوتنی هەڵبژاردنە پەرلەمانییەکان.
ئاماژەی بەوەشکرد کە هاوپەیمانییەکە کار دەکات بۆ بەهێزکردنی پەیوەندییەکان لەگەڵ عێراق لە ڕێگەی ئاڵوگۆڕی شارەزایی و مەشق و پێشکەشکردنی ڕاوێژ، و ستایشی هەوڵەکانی عێراقی کرد لە گواستنەوەی خێزانەکان لە کەمپی هۆل و شیاندنەوە و تێکەڵکردنەوەیان بە کۆمەڵگە، ڕوونیشیکردەوە کە هانى کۆمەڵگەی نێودەوڵەتی دەدرێت بۆ کشاندنەوەی هاوڵاتییەکانیان لەم کەمپە
كلمات مفتاحية
اخبار ذات صلة
تعليقات
دوایین هەواڵەکان
سەرۆک کۆمار نامەیەکی پیرۆزبایی لە هاوتا تونسییەکەیەوە پێدەگات
بافڵ تاڵەبانی: کردنەوەی گەرووی هورمز هەنگاوێکی گرنگە بۆ سەقامگیری ناوچەکە
ترهمپ: رهنگه ماوهی ئاگربهست لهگهڵ ئێران درێژ نهكهمهوه
قاڵیباف: هەرچی ترەمپ دەیڵێت درۆیە
سەرچاوەیەک: مالیکی سودانی تێدەپەڕێنێت و لە وەرگرتنی پۆستی سەرۆک وەزیران نزیک دەبێتەوە
نهێنیەکانی پشت مردنی دوایین دڕندەکانی سەدام حەبووش تکریتی لە هەولێر
هەرێم بڕی ٤٣ ملیار دینار داهاتی نانەوتیی ڕادەستی بەغدا کرد
سودانی بۆ ماكرۆن: بكهرانی ئهو هێرشهی نزیك ههولێر دهستگیركراون كه ئهفسهره فهرهنسییهكهی تیادا كوژرا
عێراق: له رۆژی ههینییهوه دهست به گهشته ئاسمانییهكانی نێوخۆ و دهرهوه دهكرێتهوه
پهرلهمانی عێراق ئهندامانی لیژنهی دارایی پهسهندكرد؛ پێنج ئهندامیان كوردن
ترهمپ: لوبنان بهشێك نییه له رێككهوتنی ئاگربهست لهگهڵ ئێران
حکومەتی عێراق بەتوندی ئیدانهی هێرشەکانی ئهمڕۆی ئیسرائیل بۆ سەر لوبنان دەکات
سوپای پاسداران: هێرشهكانی سهر لوبنان رانهگیرێن، وهڵامی توندمان دهبێت
پزیشكیان: ئاگربهست له لوبنان مهرجێكی سهرهكی پێشنیاره 10 خاڵییهكهی ئێرانه
مەسرور بارزانی: هێرشەکەی سەر کونسوڵخانەی کوێت لە بەسرە پێشێلکردنی یاسا نێودەوڵەتییەکانە
ترەمپ: لەسەر داوای پاکستان هێرشەکانی سەر ئێران بۆ دوو هەفتە رادەگرم
عێراقچی: بە ئامانجگرتنی كارگهكانی وزە لەلایەن ئیسرائیلەوە پێچەوانەی وادەی ترەمپە
