مەندەلاوی: ئەنجامی هەڵبژاردن پێویستی بە هاوبەشی ڕاستەقینەی نێوان هێزە سیاسییەکان هەیە

23:34 2025-11-15 15106 عێراق 0

2025-11-15

15106

ئەمڕۆ شەممە، موحسین مەندەلاوی، جێگری یەکەمی سەرۆکی ئەنجومەنی نوێنەران، ڕایگەیاند کە ئەنجامەکانی هەڵبژاردن بەرپرسیارێتی زیاتری خستە سەرشانی هێزە سیاسییەکان بۆ کارکردن بە ڕۆحی هاوبەشی، و پەیڕەوکردنی پرۆگرامی واقیعی کە پێداویستییە خزمەتگوزاری و گەشەپێدانەکانی هاوڵاتیان چارەسەر بکات.
بەگوێرەی ڕاگەیەنراوی نووسینگەی ڕاگەیاندنی مەندەلاوی کە دەستی موتەڵع کەوتوووە، "موحسین مەندەلاوی، جێگری یەکەمی سەرۆکی ئەنجومەنی نوێنەران، لە شوێنی نیشتەجێبوونی پێشوازی لە هەریەک لە شبل زەیدی، سەرۆکی هاوپەیمانی خزمەتگوزارییەکان، و محەمەد جەمیل میاحی، سەرۆکی هاوپەیمانی واسطی جوانتر بە خزمەتگوزارییەکان کرد".
ڕاگەیەنراوەکەە ئاماژەی بەوەشداوە، "لە میانی دیدارەکەدا پیرۆزبایی سەرکەوتنی پڕۆسەی هەڵبژاردن ئاڵوگۆڕ کرا، کە بەشدارییەکی فراوانی بەخۆوە بینی و هۆشیاری دەنگدەر و پابەندبوونی بە ڕێچکەی دیموکراسییەوە نیشاندا"، ئاماژەی بەوەشدا کە "ئامادەبووان تاوتوێی قۆناغی داهاتوو و میکانیزمەکانی فراوانکردنی ڕووبەری هاریکاری لە نێوان هێزە نیشتمانییەکاندا کرد بۆ دڵنیابوون لە دەستپێکێکی یەکگرتووتر و کاری یاسادانان کە خزمەت بە پێشینەکانی دەوڵەت و هاوڵاتی بکات".
مەندەلاوی بەگوێرەی ڕاگەیەنراوەکە ڕایگەیاند: "ئەنجامەکانی هەڵبژاردن بەرپرسیارێتی زیاتری خستە سەرشانی هێزە سیاسییەکان بۆ کارکردن بە ڕۆحی هاوبەشی، و پەیڕەوکردنی پرۆگرامی واقیعی کە پێداویستییە خزمەتگوزاری و گەشەپێدانەکانی هاوڵاتیان چارەسەر بکات"، ئاماژەی بە "گرنگی بەردەوامیدان بە پەیوەندی و هەماهەنگی هاوبەش لە نێوان لایەنەکاندا، بە شێوەیەک کە یەکڕیزی بەهێز بکات و خزمەت بە بەرژەوەندییەکانی گەلی عێراق و دەوڵەت بکات".
لەلای خۆیانەوە، زەیدی و میاحی، ڕۆڵی مەندەلاوی لە نزیککردنەوەی هێزە نیشتمانییەکان بەرز نرخاند، و جەختیان لە "گرنگی بەردەوامیدان بەم دیدارانە کردەوە بۆ گەیشتن بە لێکتێگەیشتن کە پشتگیری لە خزمەتگوزاری پارێزگاکان و پێشخستنی کەرتی خزمەتگوزاری بکات، جگە لە پێویستی یەکخستنی بۆچوونەکان لە نێوان کوتلەکاندا، و بەردەوامیدان بە گفتوگۆ بۆ بەهێزکردنی سەقامگیری سیاسی و خێراکردنی هەنگاوەکانی پێکهێنانی قۆناغێکی کارا و تەواو