ئاسایشی نیشتمانی هەڵوەشاندنەوەی چەند تۆرێکی هەڕەشەی ئەلیکترۆنی لە ١٠ پارێزگا راگەیاند

23:01 2025-11-15 38998 عێراق 0

2025-11-15

38998

دەزگای ئاسایشی نیشتمانی، ئەمڕۆ شەممە، هەڵوەشاندنەوەی چەند تۆرێکی هەڕەشەی ئەلیکترۆنی لە ١٠ پارێزگا راگەیاند، ئاماژەی بەوەشکرد کە ٤٠ تۆمەتبار دەستگیرکراون
‏لە بەیاننامەیەکی دەزگاکەدا هاتووە "دەزگای ئاسایشی نیشتمانی توانیویەتی هەڵمەتێکی ئەمنی بەرفراوان ئەنجام بدات کە ماوەی سێ مانگی خایاند، و بەهۆیەوە ٤٠ تۆمەتبار بە تاوانی هەڕەشەی ئەلیکترۆنی و ناوزڕاندن لە ١٠ پارێزگا دەستگیرکران، ئەمەش وەک وەڵامێک بۆ سکاڵا گەیشتووەکان لە هاوڵاتیانەوە لە ڕێگەی پلاتفۆرمەکانی لایەنە فەرمییەکان و هێڵی گەرم (١٣١)، و دوای وەرگرتنی ڕەزامەندی دادوەری".
‏بەیاننامەکە ئاماژەی بەوەشدا، "پرۆسەکانی دەستگیرکردن دوای وەرگرتنی ژمارەیەک سکاڵا هات کە لە هاوڵاتیانەوە گەیشتبوون کە ڕووبەڕووی هەڕەشەی ئەلیکترۆنی ببوونەوە، چونکە هەڕەشەکارەکان قوربانییەکانیان سازش پێدەکرد بۆ بەدەستهێنانی بڕە پارە لە بەرامبەر بڵاونەکردنەوەی کەرەستە یان زانیاری هەستیار کە پەیوەندی بەوانەوە هەبوو، و هەندێکی تریش ڕووبەڕووی ناوزڕاندن ببوونەوە".
‏بەیاننامەکە ڕوونیشیکردەوە، "لەنێو حاڵەتە دیارەکانی کە دەستگیرکران، لە بەسرە، تۆمەتبارێک لە قەزای ئەبو ئەلخەسیب دەستگیرکرا کە لاپەڕەیەکی لە تۆڕە کۆمەڵایەتییەکان بە ناوی "شەڕکەری هەڕەشە" بەڕێوەدەبرد، کە تێیدا قوربانییەکانی هەڕەشەی ڕادەکێشا بە بانگەشەی توانای هاککردنی هەژمارەکانی هەڕەشەکارەکان، پاشان وێنە و ڤیدیۆکانی لێ داوا دەکردن کە لە هەڕەشەکردنیاندا بەکار دەهێنران بە بیانووی یارمەتیدان، پاشان خۆی دەستی دەکرد بە هەڕەشەکردنیان، و لە کاتی وەرگرتنی بڕێک پارە لە یەکێک لە قوربانییەکانی، تاوانبار دەستگیرکرا".
‏درێژەشی دا، "هەروەها تۆمەتبارێک لە موسەننا دەستگیرکرا کە توانیویەتی هەڕەشە لە یەکێک لە کچەکانی پارێزگاکە بکات لە بەرامبەر بڕە پارەیەک کە دەستی بەسەردا گرتووە و نزیکەی ٩ ملیۆن دیناری عێراقی دەبێت، کە لە کاتی هەوڵدانیدا بۆ وەرگرتنی بڕە پارەی زیاتر تاوانبار دەستگیرکرا".
‏بەیاننامەکە ئاماژەی بەوەدا، "هەموو تۆمەتبارەکان ڕادەستی لایەنە دادوەرییە پەیوەندیدارەکان کران بۆ گرتنەبەری ڕێوشوێنی یاسایی بەرامبەریان بە گوێرەی ماددە (٤٣٠ ٤٣٣)ی یاسای سزادانی عێراقی.