ئەمڕۆ پێنجشەممە ئێران پیرۆزبایی هەڵبژاردنی سەركەوتووی پەرلەمانی عێراقی لە گەلی عێراق كرد و دووپاتی كردەوە كە عێراق یەكێكە لە گرنگترین و بەهێزترین وڵاتانی عەرەبی و ئیسلامی، خاكێك كە ڕەگ و ڕیشەی شارستانییەكەی زیاتر لە پێنج هەزار ساڵ پێش ئێستا درێژ دەبێتەوە.
عەلی ئەكبەر ولایەتی، ڕاوێژكاری ڕێبەری شۆڕشی ئیسلامی بۆ كاروباری نێودەوڵەتی، لە پەیامێكدا پیرۆزبایی لە حكومەت و گەلی عێراق دەكات بە بۆنەی هەڵبژاردنە سەركەوتووەكان، هەروەك موتەڵع بڵاویكردووەتەوە: پیرۆزباییەكی دڵسۆزانە ئاراستەی گەلی عێراق دەكەم بە بۆنەی ئەم سەركەوتنە مەزن و بێ وێنەیە لە دیاریكردنی چارەنووسی وڵاتەكەیان و بەشداری چالاكانەیان لە داڕشتنی ئایندەی وڵاتەكەیان
ووتیشی: عێراق یەكێكە لە گرنگترین و بەهێزترین وڵاتە عەرەبی و ئیسلامییەكان، خاكێكە كە ڕەگ و ڕیشەی شارستانییەكەی بۆ زیاتر لە پێنج هەزار ساڵ دەگەڕێتەوە و بە یەكێك لە دامەزرێنەرانی شارستانیەتی مرۆڤایەتی دادەنرێت،ئەو شارستانییەتە شكۆمەندە سۆمەرییەی كە لەسەر ئەم خاكە سەریهەڵدا لە سەرەتاییترین دەركەوتەكانی شارستانیەتی مرۆڤایەتی لە مێژوودا بووە وتی: گەلی عێراق ڕۆڵێكی دیار و بەرچاوی هەبووە لە گەشەسەندنی شارستانیەتی ئیسلامیدا و بۆ چەندین سەدە، ئەم وڵاتە یەكێك بووە لە گەورەترین ناوەندەكانی فێربوون لە جیهانی ئیسلامدا، لە سەرەتای ئیسلامەوە تا ئەمڕۆ گەلی عێراق بە دڵسۆزی و تەرخانكراو بۆ ئەهلی بەیت (سەلامی خوای گەورەیان لەسەربێت) ماوەتەوە، و قوربانییەكی بێشوماریان داوە لە دۆزی خۆیاندا.
ووتیشی : ئەمڕۆ بوونی مەزارگە پیرۆزەكانی ئیمامەكان (سەلامی خوای گەورەیان لەسربێت) لەم خاكە پیرۆزەدا بەرجەستەی قووڵایی ئیمان و پەیوەندی ڕۆحی گەلی عێراقە، تەنها دادپەروەرانە دەتوانین بڵێین هەموو پێكهاتەكانی گەلی عێراق- شیعە و سوننە و كورد- گرنگییەكی تایبەت بە پاراستنی پیرۆزی ئەهلی بەیت (سەلامی خوای گەورەیان لەسەربێت) دەدەن.
لە كۆتاییدا وتی: گەلی بەڕێزی عێراق جارێكی دیكە خۆی سەلماندوە كە میراتگری ڕاستەقینەی ئەو شارستانییەتە كۆنە و ئەو باوەڕە قووڵە ڕەگداكوتاوە، بەڕێوەچوونی هەڵبژاردنی پڕ لە جۆش و خرۆش و دادپەروەرانە و ئاشتیانە لە چەند ڕۆژی ڕابردوودا نوێنەرایەتی ڕەمزی پێگەیشتنی سیاسی و كۆمەڵایەتی گەلی عێراق دەكات، و بێ گومان وەك مۆدێلێكی بەنرخ بۆ وڵاتانی ناوچەكە دەبینرێت، ئاماژەی بەوەدا كە پەیوەندییەكانی نێوان ئێران و عێراق لەسەر بنەمای تۆكمەی پەیوەندی مێژوویی، كولتووری، ئایینی و شارستانی هاوبەش دامەزراون، كە لە نێوان هیچ دوو وڵاتێكی دیكەی ناوچەكەدا هاوتای نییە. بێ گومان داهاتوویەكی گەش و خۆشگوزەران چاوەڕێی هاوكارییەكانی نێوان ئەم دوو نەتەوە برایە دەكات.
وەزارەتەكە لە بەیاننامەیەكدا كە بە ئاژانسی موتەڵع گەیشتووە و ڕایگەیاندووە: بەبۆنەی بەڕێوەچوونی سەركەوتووانەی هەڵبژاردنی پەرلەمانی عێراق پیرۆزبایی لە گەل و حكومەتی عێراق دەكەین.
ئەوەشی خستۆتەڕوو: هیوادارین ئەم هەڵبژاردنانە زەمینە بۆ هاوئاهەنگی و پێشكەوتنی زیاتر لە عێراق خۆش بكەن.