ده‌سته‌ی گومرگی سیستەمی قوفڵی ئەلیکترۆنی لە بەندەری ناوەڕاستی ئوم قەسرەوە جێبەجێدەکات

15:36 2025-07-08 79439 عێراق 0

2025-07-08

79439

ئەمڕۆ سێشەممە، ده‌سته‌ی گشتی گومرگی دەستپێکردنی جێبەجێکردنی سیستەمی قوفڵی ئەلیکترۆنی بۆ بەدواداچوونی بارکردن لە بەندەری ناوەڕاستی ئوم قەسرەوە ڕاگەیاند.
لە ڕاگەیەندراوێکی ده‌سته‌ی گشتی گومرگی کەدەستی موتەڵع کەوتووە، تێیدا هاتووە " ده‌سته‌ی گشتی گومرگی ، لە جێبەجێکردنی ڕێنماییەکانی محەمەد شیاع سودانی، سەرۆکی ئه‌نجومه‌نی وەزیران، دەستیکردووە بە جێبەجێکردنی سیستمی قوفڵی ئەلیکترۆنی بۆ بەدواداچوونی بارەکان، کە لە ناوەندی گومرگی ناوەڕاستی ئوم قەسرەوە دەستپێدەکات، بە هاوبەشی لەگەڵ دەستەی دەروازە سنوورییەکان، لە 7ی تەمموزی 2025 دەستپێدەکات ، سیستمەکە لەخۆدەگرێت کاڵا و دەرمان و پێداویستییە پزیشکییەکان کە دەخرێنە بازاڕەوە بۆ بەندەری وشک و گومرگی شالچییه‌."

هه‌روه‌ها له‌ راگه‌یندراوه‌كه‌دا ئاماژە بەوەیشكراوه‌ ، "ئەم ڕێوشوێنە ئامانجی ئاسانکاری و پەرەپێدانی ڕێکارەکانی گومرگیە لەڕێگەی وەرگرتنی تەکنەلۆژیای بەدواداچوونی ئەلیکترۆنی (GPS)کە بەستراوەتەوە بە بازنەیەکی ئەلیکترۆنی تایبەتەوە، کە لەڕێگەیەوە داتای کاڵاکان دەخرێنە سەر کۆمپیوتەری ناوەندی بەشی مانیفێستەکان لە سەنتەری گومرگی ناوەڕاستی ئوم قەسر ، هەموو پێداویستییە تەکنیکی و کارگێڕییەکان بۆ پرۆسەی بەبازاڕکردن تەواوکراون ، لای خۆیەوە، بەڕێوەبەری گشتیی ده‌سته‌ی گشتی گومرگی، سامر قاسم داود، جەختی لەوە کردەوە کە "جێبەجێکردنی ئەم سیستەمە هەنگاوێکی چۆنایەتی گرنگە بۆ پەرەپێدانی سیستەمی گومرگی و بەرزکردنەوەی شێوازە مۆدێرنەکانی کۆنترۆڵکردن".

ڕوونیکردەوە کە "قوفڵی ئەلیکترۆنی بەشدار دەبێت لە باشترکردنی کارایی، کەمکردنەوەی کاتی پرۆسێسکردن، بەرەنگاربوونەوەی قاچاخچێتی، و دڵنیابوون لە کوالێتی بارکردنەکان و ڕۆیشتنی نەرم و ورد و پارێزراوی جوڵەکانیان".

ئاماژەی بەوەشکردووە، "ئەم هەنگاوە لەگەڵ دیدگای حکومەتدا دەگونجێت بۆ گۆڕینی دیجیتاڵی و مۆدێرنکردنی ڕێکارەکانی کارکردن".

ڕوونیشی کردەوە کە "ده‌سته‌كه‌ بەردەوامە لە جێبەجێکردنی بەرنامەی پەرەپێدانی گشتگیر بە هەماهەنگی لەگەڵ لایەنە پەیوەندیدارەکان، بە شێوەیەک کە کەشوهەوای وەبەرهێنان بەرز بکاتەوە و ئابووری نیشتمانی بپارێزێت".