دەزگای بەرەنگاربوونەوەی تیرۆر ئەنجامی ئۆپراسیۆنەکانی لە چوار پارێزگا ڕاگەیاند

00:31 2024-03-19 106643 عێراق 0

2024-03-19

106643

شانەی ڕاگەیاندنی ئاسایش ئەنجامی ئۆپەراسیۆنەکانی ده‌زگای بەرەنگاربوونەوەی تیرۆر لە چوار پارێزگادا ڕاگەیاند.
شانەکە لەراگه‌یه‌ندراوێکدا بڵاویکردەوە" بە هاوبەشی لەگەڵ ئۆپەراسیۆنەکانی وەعد ئەلحەق، بە هەوڵێکی هەواڵگریی دیار، و لەگەڵ ئۆپەراسیۆنێکی گەورە لەلایەن یەکەکانی دەزگای بەرەنگاربوونەوەی تیرۆر، لە پارێزگای سەڵاحەدین - تولول باج و پارێزگای نەینەوا - قەزای حه‌زه‌ر، دۆڵی سه‌رسار، وبە پاڵپشتی سوپای قارەمانی عێراق وفڕۆکەكانی، مۆڵگه‌كان و تونێلەکانی چەتە تیرۆریستییەکانی داعش پشكێنران و خاپۆركران”.
ئاماژەی بەوەشکردووە ده‌زگای بەرەنگاربوونەوەی تیرۆر توانیویەتی: (29) مۆڵگه‌ لەناوببات، (6) تونێل پڕبکاتەوە، وده‌ست به‌سه‌ر(12) تەقەمەنی، (2) پشتێنەی تەقەمەنی، (4) بۆمبی هاوەن، و (3) ماتۆسیكڵی بۆمبرێژكراو و بەرمیلەکانی نێژراو کە (3) مادەی تەقینەوەیان تێدایە بگریت. ئەو مادانەی سەرەوە لە ناوچەی ئەرک تەقێندرانەوە، هەروەها دەست بەسەر ئامێری چه‌كی بی کەی سی (80 کۆنتێنەر) و ئامێری کڵاشینکۆف (13 کۆنتێنەر)دا گیرا.
هه‌روه‌ها لە ئەرکێکی دیكه‌ی جیادا قارەمانانی دەزگای بەرەنگاربوونەوەی تیرۆر لە (پارێزگاری کەرکوک- زنجیرە چیای حەمرین- سنووری جیاکردنەوەی پارێزگای کەرکوک و سەڵاح الدین)، (4) مۆڵگه‌ی تیرۆرستانی داعش کەبەکاردەهێنران بۆردومانکردن و وێرانکران.
ئاماژەی بەوەشکردووە" كه‌لە چوارچێوەی ئۆپەراسیۆنەکانی ده‌زگاکەدا لە پارێزگای ئەنبار، ئەندامێکی مەفرەزەکانی چەتەکانی داعش دەستگیرکراوە.