دەستەی كەشناسی پێشبینی بەرزبوونەوەی زیاتری پلەكانی گەرما دەكات

19:34 2025-08-20 55016 عێراق 0

2025-08-20

55016

ئەمڕۆ چوارشەممە، دەستەی كەشناسی وردەكاریی پێشبینییەكانی كەشوهەوای وڵاتی بۆ ڕۆژانی داهاتوو ڕاگەیاند و پێشبینی بەرزبوونەوەی زیاتری پلەكانی گەرما دەكات.
دەستەكە لە بەیاننامەیەكدا كەدەستی موتەڵع کەوتووە، دەڵێت: سبەی پێنجشەممە، كەش و هەوا ساماڵ دەبێت لەگەڵ هەندێك هەور، هەروەها بای باكووری ڕۆژئاوا سووك بۆ مامناوەند دەبێت (10-20) كم/كاتژمێر و پلەكانی گەرماش هاوشێوەی ڕۆژانی پێشوو دەبێت لە سەرتاسەری وڵات.
راشیگەیاند: زۆرترین پلەكانی گەرما بۆ سبەی پێنجشەممە، لە دهۆك 40، سلێمانی و نەینەوا و كەركوك 41، سەڵاحەدین و ئەنبار 42، هەولێر 41، بەغدا و كەربەلای پیرۆز بابل و نەجەفی ئەشرەف 43، دیالە 44، واسیت و دیوانیە، و موسەننا 45، زیقار و میسان 46، بەسرە 47 پلە دەبێت.
ئاماژەی بەوەشكرد: رۆژی هەینی كەش و هەوا ساماڵ دەبێت، لەگەڵ بای باكوری ڕۆژئاوا سوك بۆ مامناوەند (10-20) كم/كاتژمێر لە ناوچەكانی ناوەڕاست و باشوور، هەروەها گۆڕاوی ئاراستە (5-10) كم/كاتژمێر لە ناوچەكانی باكور. پلەكانی گەرما كەمێك بەرزدەبنەوە لە ناوچەكانی ناوەڕاست و باكور و لە ناوچەكانی باشوور هاوشێوە دەبێت.
ئاشكراشیكرد: شەممەی داهاتوو كەشوهەوا ساماڵ دەبێت، لەگەڵ بای باكووری ڕۆژئاوا بە خێرایی سووك بۆ مامناوەند (10-20) كم/كاتژمێر لە ناوچەكانی ناوەڕاست و باشوور، و گۆڕینی ئاراستەی (5-10 كم/كاتژمێر) لە ناوچەی باكوور. پلەكانی گەرما كەمێك بەرز دەبنەوە لە ناوچەی ناوەڕاست و هاوشێوەی ڕۆژی پێشوو دەبێت لە ناوچەكانی باشوور و باكور.
رونیشیكردەوە: پێشبینییەكانی كەشوهەوا بۆ یەكشەممەی داهاتوو ئاسمان ساماڵ دەبێت، لەگەڵ بای باكووری ڕۆژئاوا بە خێرایی سووك بۆ مامناوەند (10-20 كیلۆمەتر لە كاتژمێرێكدا)، و پلەكانی گەرما هاوشێوەی ڕۆژی پێشوو دەبێت لە سەرتاسەری وڵاتدا.