دەستەی کەشناسی پێشبینی کەشوهەوای بۆ ڕۆژانی داهاتوو بڵاوکردەوە ‏

17:44 2025-08-01 61676 عێراق 0

2025-08-01

61676

دەستەی کەشناسی ئه‌مڕۆ هەینی پێشبینی کەشوهەوای وڵاتی بۆ ڕۆژانی داهاتوو ڕاگەیاند و پێشبینیی گەردەلولی خۆڵبارین و بەرزبوونەوەی کەمی پلەکانی گەرمای هەفتەی داهاتووی کرد.
‏
‏لە ڕاگەیەندراوێکی دەستەی کەشناسیدا هاتووە، "سبەی شەممە، کەشوهەوا ساماڵ دەبێتەوە، پلەکانی گەرما لە ناوچەکانی باکور و باشوور هاوشێوە دەبن و لە ناوچەی ناوەڕاستیش کەمێک بەرزتر دەبنەوە". له‌ راگه‌یندراوه‌كه‌دا ئاماژە بەوەشكراوه‌ كه‌، "به‌رزترین پلەکانی گەرما بۆ سبەینێ، شەممە، بەم شێوەیەیە: بەغدا و سەڵاحەدین 46 پلە؛ کەرکوک و دیالە 45 پلە؛ نەینەوا و ئەنبار 44 پلە؛ دهۆك و سلێمانی 42 پلە؛ هەولێر 43 پلە؛ کەربەلا، دیوانیە، واسیت، بابل 47 پلە؛ نەجەف و موسه‌نا 48پلە سەدی؛ میسان و زیقار 49 پلەی سەدی؛ و بەسرە 50 پلەی سەدی."
‏
‏هه‌ر له‌ راگه‌یندراوه‌كه‌دا ئه‌وه‌یش هاتووه‌ كه‌ رۆژی، "یەکشەممەی داهاتوو کەشوهەوا ساماڵ دەبێتەوە، پلەکانی گەرما بەگشتی هاوشێوە دەبن، هەروەها بای باکووری ڕۆژئاوا بە خێرایی مامناوەند لە بەشەکانی ڕۆژهەڵاتی ناوچەکانی ناوەڕاست و باشوور چالاک دەبێت و دەبێتە به‌رزبوونه‌وه‌ی تۆز و خۆڵ". ئاماژەی بەوەشکرد، "کەش و هەوای ڕۆژی دووشەممەی داهاتوو ساماڵ دەبێت لەگەڵ هەندێک هەور لە بەشەکانی ڕۆژهەڵاتی ناوچه‌كانی باکور، پلەکانی گەرما بەگشتی هاوشێوەن، هەروەها بای باکووری ڕۆژئاوا بە خێرایی مامناوەند لە بەشەکانی ڕۆژهەڵاتی ناوچەکانی ناوەڕاست و باشوور چالاک دەبێت و دەبێتە هۆی خۆڵبارین".
‏
‏ڕوونیشیکردەوە، "رۆژی سێشەممە کەش و هەوا ساماڵ دەبێت لەگەڵ هەندێک هەور لە ناوچەی باکوور، لەگەڵ بەرزبوونەوەی پلەکانی گەرما بەگشتی، هەروەها بای باکووری ڕۆژئاوا بە خێرایی مامناوەند".