سودانی بەشداری مەشقی تاکتیکی (هامەری ئاسنین) ی فیرقەی نۆیەمی زرێپۆشی سوپای عێراق دەکات

14:43 2023-10-26 34318 عێراق 0

2023-10-26

34318

فەرماندەی گشتی هێزە چەکدارەکان، محەمەد شەیاع سودانی، بەیانی ئەمڕۆ پێنجشەممە ئامادەی مەشقێکی تاکتیکی (هامەری ئاسنین) بوو لە هێرشێکی پلان بۆ داڕێژراودا کە لەلایەن فەرماندەیی هێزە زەمینیەکان/ فیرقەی نۆیەمی زرێپۆشی سوپای عێراق جێبەجێ کرا بە بەشداری کردنی فڕۆکەوانی سووپا و بەرگری ئاسمانی و فەرماندەیی هێزی ئاسمانی.

نوسینگەی ڕاگەیاندنی سەرۆکی ئەنجومەنی وەزیران لە راگەیەندراوێکدا رایگەیاند:"سودانى ستایشی هەوڵەکانی هێزە سەربازییەکانی کرد بۆ ئەنجامدانی مەشقە تاکتیکییەکان بە وردی، کە پشتڕاستی حاڵەتی ئامادەکاری و ڕاهێنانی بەردەوام دەکاتەوە و یەکەکانی گەیاندە ئەم ئاستە”.

لە راگەیەندراوەکەدا هاتووە” سودانی داوای کرد بەردەوام بن لە مەشق و ڕاهێنان، بۆ بەردەوامبوونی یەکەکانی سوپای عێراق بەم ئاستە بەرزەی ئامادەیی لە پێناو ڕووبەڕووبوونەوەی ئاستەنگییە جۆراوجۆرەکان”.
هەروەها ئاماژەی بە گرنگی ئەم چالاکییانە و بەردەوامبوونیانی کرد و جەختی لە پێویستی دیاریکردنی بەرنامەکانی مەشق و ڕاهێنان کردەوە، و پشکنینە سەربازییەکان کار بکەن بۆ هەڵسەنگاندنی ئەو چالاکییەی مەشق و ڕاهێنانانەی کە دەمانەوێت بە شێوەیەکی پیشەیی و ئاست بەرز جێبەجێ بکرێن.

فەرماندەی گشتی هێزە چەکدارەکان جەختی لە جددیەتی حکومەت کردەوە لە پەرەپێدانی چەکی سوپا و دەزگا ئەمنییەکانی دیکە کە لە ماوەی ڕابردوودا کەرەستەی پێویستیان وەرنەگرتووە، ئاماژەشی بەوەدا کە هەنگاوی کرداری و کاریگەر دەگیرێنەبەر بۆ بەدیهێنانی ئەم ئامانجە، و هەموو جۆر و پێکهاتە ئەمنییەکان چەکی پێشکەوتوویان دەبێت بە نوێترین تەکنەلۆژیا و لیژنەکانیش بۆ ئەم مەبەستە پێکهێنراون و بەم زووانە دەست دەکەین بە گرێبەست کرد لەگەڵ چەندین لایەندا.
سودانی فەرماندە ئەمنییەکانی ڕاسپارد کە وریابن و بەردەوام بن لە بەدواداچوون بۆ پاشماوەکانی چەتە تیرۆریستییەکانی داعش کە چاوەڕێی دەرفەت دەکەن بۆ دروستکردنی بۆشایی لەم ناووچە و ئەو ناوچەدا.