سەرۆکی ئەنجومەنی وەزیران محەمەد شیاع سودانی، دیدارێک لەگەڵ سەرۆک هۆز و کەسایەتییە دیارەکانی قەزای دوجەیل لە پارێزگای سەڵاحەدین ئەنجامدا
نوسینگەی ڕاگەیاندنی سەرۆکی ئەنجومەنی وەزیران لەڕاگەیەندراوێکدا کەدەستی موتەڵع کەوتووە تیایدا هاتووە، سەرۆکی ئەنجومەنی وەزیران محەمەد شەیاع سودانی، ئەمڕۆ پێنجشەممە، دیدارێکی لەگەڵ کۆمەڵێک سەرۆک هۆز و کەسایەتییە دیارەکانی قەزای دوجەیل لە پارێزگای سەڵاحەدین ئەنجامدا.

وتیشی سودانی جەختی لەوە کردەوە کە قەزای بەلەد و دوجەیل لە ڕابردوو و ئێستادا قوربانییەکی بەرچاویان داوە و ئاماژەی بە ڕۆحی برایەتی کرد کە گەلی هەمەچەشنی عێراق لە پارێزگای سەڵاحەدین یەکدەخات و ڕایگەیاند هێزە ئەمنییەکانمان خاوەنی ئامادەیی و توانا و کارایی و ئەزموونن و لە عێراق هیچ پێگەیەک بۆ تیرۆریستان نییە و لە ئەشکەوت و شاخ و بیابانەکاندا ڕاودەنرێن.

ڕوونیشیکردەوە سەرۆک وەزیران ئاماژەی بە ڕۆڵی هۆزەکان کرد لە پاراستنی برایەتی و پەیوەندییەکان، و لە چارەسەرکردنی کێشە درێژخایەنەکانی تیرۆر و دەرئەنجامەکانی لە ئاوارەبوون و ئەوەشی ڕوونکردەوە، عێراق لە سایەی قوربانیدانی بەنرخی شەهیدان و بریندارە پاڵەوانەکانمان قۆناغێکی ئەمنی و سەقامگیری و بوژانەوە بەخۆیەوە دەبینێت و ئێمە لە ڕووبەڕووبوونەوەی تیرۆر و فیتنە و قسەی ڕقاویدا سەرکەوتنمان بەدەستهێناوە، ئەمەش لە سایەی هەڵوێستی گەلەکەمان بەرامبەر بەو ئایدۆلۆژیایە نامۆیە کە هاتە ناوچەکانمان.

ئەمەی خوارەوە دەقی وتارەکەی  سەرۆکی ئەنجومەنی وەزیرانە کەنوسینگەکەی بڵاویکردەوە ودەستی موتەڵع کەوتووە:

? قەزای دوجەیل بەهۆی ئەو قوربانیدانانەی کە داویانە و هەڵوێستی شەرەفمەندانەی بەرامبەر دەسەڵاتی دیکتاتۆری، پێگەیەکی تایبەتی هەیە، شایەنی گرنگیدان و سەرنجی دەوڵەتە.

? حکومەتەکەمان تیشکی خستۆسەر پێشکەشکردنی خزمەتگوزارییەکان بە شێوەیەک کە لەگەڵ ئەم وڵاتە و تواناکانی و پێگەی خۆیدا بگونجێت.

? کارمان کردووە بۆ کەمکردنەوەی مەینەتییەکانی هاوڵاتیان و باشترکردنی بارودۆخی ئابووری و ژیان.

? حکومەتی خزمەتگوزارییەکان بە دروشم و ناونیشان نییە، بەڵکو بە بەرنامە و کردار و هەوڵی ماندوو نەناسانەیە لە بەسرەوە تا موسڵ.

? بەشێکی بەرچاوی ئەولەویەتەکانی بەرنامەی حکومەتمان تەواو کردووە، بەڵام هێشتا ڕێگایەکی دوور و درێژمان ماوە بۆ تەواوکردنی پڕۆژەکانی گەشەپێدان و خزمەتگوزاری.

? پڕۆژەی خزمەتگوزاریمان لە قەزاکانی بەلەد و دوجەیل دەستپێکرد، چاودێری پێشکەوتنی ئەوانی ترمان کرد، و فەرمانی تەواوکردنی ڕێکارەکانی پڕۆژەی نوێمان کرد بۆ دەستپێکردنی جێبەجێکردن.

? پێویستمان بە پێداچوونەوە دۆخی ئابووریمان هەیە چونکە لەگەڵ زیادبوونی خەرجییەکان و جێگیر بوونی داهاتەکان، ئێمە لەبەردەم کورتهێنانی بودجەداین.

? لە ڕێگەی چاکسازی ڕاستەقینەوە کارمان کردووە بۆ تێپەڕاندنی ئاستەنگەکان، عێراقیش ناتوانێت تەنها پشت بە نەوت ببەستێت.

? بوژاندنەوەی کەرتە ئابوریەکانی تر دەبێتە هۆی پەیداکردنی داهات و چارەسەرکردنی کێشەکان بەتایبەت ئەوانەی پەیوەندییان بە ڕەخساندنی هەلی کارەوە هەیە.

? حکومەت پاڵپشتی کەرتەکانی پیشەسازی و کشتوکاڵ و بازرگانی و گەشتیاری دەکات بۆ باشترکردنی دۆخی ئابووری.

? میراتێکی قورسمان بۆ چوار دەیە بۆ ماوەتەوە، کە سەرچاوەکانی بەفیڕۆدا و کاتی بەسەربرد لە شەڕ و ململانێکان.

? لەماوەی سێ ساڵی ڕابردوودا حکومەتەکەمان بەپێی دیدگایەکی ڕوون و بەپشتیوانی هێزە نیشتیمانییەکان کاری کردووە.

? ئێمە متمانەمان بە توانای گەلەکەمان هەیە بۆ ڕووبەڕووبوونەوەی ئاستەنگەکان و گواستنەوە بۆ وڵاتێک کە ئابوورییەکی بەهێزی هەبێت و هاوڵاتیان چێژ لە دادپەروەری کۆمەڵایەتی و ژیانێکی پڕ لە شکۆمەندی وەربگرن.

? جێبەجێکردنی دیدگای حکومەت پێویستی بە ئاسایش و سەقامگیری بەردەوام هەیە و ئەمەش لەڕێگەی پشتیوانی کۆمەڵگاوە بۆ هێزە ئەمنییەکان بەدی دێت.