رۆژی چوارشەممە، سەرۆكی ئەنجومەنی وەزیران محەمەد شیاع سودانی، چاودێری مەراسیمی واژۆكردنی گرێبەستی پڕۆژەی پەرەپێدان و فراوانكردنی پاڵاوگەی دیوانییەی كرد، بۆ زیادكردنی یەكەیەكی پاڵاوتنی بە توانای 70 هەزار ب / لە ڕۆژێكدا.
نوسینگەی ڕاگەیاندنی سەرۆك وەزیران لە بەیاننامەیەكدا بڵاویکردەوە: سەرۆكی ئەنجومەنی وەزیران محەمەد شیاع سودانی، چاودێری مەراسیمی واژۆكردنی گرێبەستی پڕۆژەی پەرەپێدان و فراوانكردنی پاڵاوگەی دیوانیەی بە تێچووی (800) ملیۆن دۆلار كرد، لەگەڵ زیادكردنی یەكەیەكی پاڵاوتنی هەوا بە توانای 70 هەزار ب/ڕۆژ، بەجۆرێك كە كۆی بەرهەمهێنانی 90 هەزار ب/ڕۆژ دەبێت، لەگەڵ یەكەكانی هایدرۆجینكردن و باشتركردنی بەنزین و یەكەكانی تری خزمەتگوزاری.
بە گوێرەی بەیاننامەكە، پڕۆژەی گەشەپێدان و فراوانكردنی پاڵاوگەی دیوانیە یەكێكە لە گرنگترین پڕۆژە ستراتیژییەكانی عێراق كە لە بەرنامەی حكومەتدا جێگیركراوە، بە وەرگرتنی نوێترین ئامرازی تەكنیكی بۆ پاڵاوتنی نەوتی خاو، لە چوارچێوەی دیاریكەرانی ژینگەیی و یاساكاندا، لەڕووی ئەو بەرهەمانەی كە پڕۆژەكە پێشنیاری كردووە لە پاشماوە (شل و ڕەق و گازی)، هەروەها لە چوارچێوەی هەوڵەكانی حكومەتدایە بۆ هاوسەنگكردنی نەوتی خاو پیشەسازی و بەدەستهێنانی تایبەتمەندی و بڕی كوالیتی بەرزتر بۆ بەرهەمە نەوتییەكان.
سەرۆك وەزیران تەئكیدیكردەوە: لە دەستەبەركردنی تەرخانكردنی دارایی لە چوارچێوەی گرێبەستكردن لەگەڵ كۆمپانیای جێبەجێكار ، بەو پێیەی لە ماوەی چەند ڕۆژێكدا دەست بە كاركردن دەكات،و ڕوونیشیكردەوە: كە پڕۆژەكە نوێنەرایەتی زیادكردنێك بۆ پارێزگای دیوانیە دەكات، كە پڕۆژەی ستراتیژی تێدا نییە، هەروەها لە چوارچێوەی بەرژەوەندی حكومەتدا لە پێشكەشكردنی باشترین خزمەتگوزارییەكان بۆ پارێزگاكە.
هەروەك ئاماژەیكرد: بە گرنگی ئەم پڕۆژەیە لە دەستەبەركردنی وەرگیراوەكانی نەوت، هەروەها یارمەتیدەر دەبێت لە تەواوكردنی پڕۆژەی دروستكردنی وێستگەی كارەبای شنافیە و دەستەبەركردنی پێداویستییەكانی پیشەسازی و بازاڕی ناوخۆیی، ئەوە جگە لە دابینكردنی هەلی كار.
هەر بە گوێرەی بەیاننامەكە، پرۆژەی پەرەپێدان و فراوانكردنی پاڵاوگەی دیوانیە بریتییە لە زیادكردنی یەكەیەكی پرۆسێسكردنی غازی شل بە توانای 180 تۆن/ڕۆژ، یەكەكانی هایدرۆجینكردنی نەفتا بە توانای 18 هەزار بەرمیل لە ڕۆژێكدا، باشتركردنی بەنزین بە توانای 10 هەزار بەرمیل لە ڕۆژێكدا، ئایزۆمێركردنی نەفتا بە توانای 8 هەزار بەرمیل لە ڕۆژێكدا، مۆلیدەی كارەبایی بۆ كارپێكردنی یەكەكان بە توانای 10 مێگاوات/كاتژمێر، و باقی یەكە پێویستەكان.
هەروەها پڕۆژەكە بریتییە لە كارگەیەكی بەرهەمهێنانی نایترۆجین بە توانای 1400 م3/كاتژمێر، كۆگایەك بۆ باركردنی بەرهەمە تەواوەكان بە توانای 90 هەزار  ب/ ڕۆژ، جگە لە وێستگەی پەمپكردن و هەڵگرتن كە 24 تانكی بۆ نەوتی خاو و بەرهەمەكانی تێدایە، وێستگەیەكی پڕكردنەوەی سلندەری غازی شل بۆ دەردانی غازی شلەمەنی بەرهەم هێنراو، وێستگەیەكی پەمپكردنی ئاو لە ڕووباری فورات بە یەكەیەكی سەرەتایی ئاو ، یەكەكانی شرینكردنی ئاو و پاككردنەوەی ئاوی پیشەسازی، و ئامادەكردنی سۆدەی كاویە، ئەوە جگە لە دامەزراندنی هەموو كرێكارە مەدەنییەكان و بوژانەوەی  ژێرخان.