مالیكی جەختکردەوە لە گرنگی پەیڕەوكردنی زمانی دیالۆگ لە چارەسەری كێشە هەڵپەسێردراوەكان

23:59 2024-01-18 50739 عێراق 0

2024-01-18

50739

سەرۆكی هاوپەیمانی دەوڵەتی یاسا نوری مالیكی، ئەمڕۆ پێنجشەممە، جەختی لە گرنگی پەیڕەوكردنی زمانی دیالۆگ لە چارەسەركردنی كێشە هەڵپەسێردراوەكان كردەوە.
نوسینگەی مالیكی لە بەیاننامەیەكدا رایگەیاند: سەرۆكی هاوپەیمانی دەوڵەتی یاسا نوری مالیكی، ئەمڕۆ لە نووسینگەی خۆی پێشوازی لە عەلی ڕەزا گۆنەی باڵیۆزی كۆماری توركیا لە عێراق كرد و لە سەرەتای كۆبوونەوەكەدا گۆنای پیرۆزبایی لە مالیكی كرد بەبۆنەی ئەنجامدانی هەڵبژاردنی ناوخۆیی، و هەروەها پێداچوونەوەی بە دوایین پێشهاتە سیاسی و ئەمنییەكان كرد لەسەر گۆڕەپانی هەرێمی و نێودەوڵەتی.
هاوكات سەرۆكی هاوپەیمانی دەوڵەتی یاسا جەختیكردەوە: لە گرنگی پتەوكردنی پەیوەندییە دووقۆڵییەكانی نێوان بەغداد و ئەنقەرە بە شێوەیەك كە بەرژەوەندییەكانی هەردوو گەلی دراوسێ بەدەستبهێنێت، و ڕوونیشیكردەوە: عێراق هەڵبژاردنە خۆجێییەكانی بەسەركەوتوویی ئەنجامدا و ئەمڕۆ ئامادەكاری دەكات بۆ پێكهێنانی حكومەتی خۆجێی بەپێی شایستەیی هەڵبژاردن.
سەبارەت بە ڕووداوەكانی ئەم دواییەی عێراق و ناوچەكەش، مالیكی جەختیكردەوە: لە گرنگی پەیڕەوكردنی زمانی گفتوگۆ لە چارەسەركردنی كێشە هەڵپەسێردراوەكان و دووركەوتنەوە لە بەكارهێنانی هێز، و وتیشی: دەستووری عێراق رێگە بە بەكارهێنانی خاكەكەی بۆ هێرشكردنە سەر وڵاتانی دراوسێ نادات، بەڵام لە هەمانكاتدا دەبێت هەموو وڵاتان ڕێز لە سەروەری عێراق و پیرۆزی خاكەكەی بگرن.
لای خۆیەوە باڵیۆزی توركیا پاڵپشتی وڵاتەكەی بۆ عێراق لە ئاستە جیاجیاكاندا نوێكردەوە و جەختیشیكردەوە: لە گرنگی بەهێزكردنی هەوڵە هاوبەشەكان بۆ تێپەڕاندنی ئاستەنگەكانی بەردەم پەرەپێدانی پەیوەندییەكانی نێوان هەردوو وڵات.