مونا قاوەچی: هەوڵی زیادکردنی کورسییەکانمان دەدەین

20:44 2024-05-21 94693 كوردستان 0

2024-05-21

94693

جێگری سەرۆکی پارتی چاکسازیی تورکمانی ئاماژە بەوە دەکات کە گەڕانەوەی کورسیی بۆ کۆتاکان هەنگاوێکی باشە بۆ دەستپێکردنەوەی پرۆسەی سیاسیی لە عێراقدا و بە تایبەتی بۆ هەڵبژاردنی خولی داهاتووی پەرلەمانی کوردستان.
‎ئەمڕۆ مونا قاوەچی، جێگری سەرۆکی پارتی چاکسازیی تورکمانی لە پرێس کۆنفرانسێکی رۆژنامەوانیدا ئاماژەی بەوە دا کە ئەوان چاوەڕوان بوون لایەنە یاساییەکان لە سەرانسەری عێراقدا و بە تایبەتی ئەو هەوڵانەی کە سەرۆک بارزانی، نێچرڤان بارزانی سەرۆکی هەرێمی کوردستان، مەسرور بارزانی، سەرۆکی حکوومەتی هەرێمی کوردستان و جێنین پلاسخارت، نێردەی نەتەوە یەکگرتووەکان لە عێراقدا جێبەجێی بکەن و هەنگاوە یاساییەکە بێ بۆ بەشداری کارایی پێکهاتەکان لە سەرانسەری عێراقدا.
‎ئەوەشی خستە روو، بەڵام ئەوان چاوەڕوانی ئەو نادادپەروەرییە نەبوون بۆ ئەوەی کە کورسی تورکمانەکان لەسەر ئاستی پارێزگاکان وەکوو یەک دابەش بکرێتم چونکە %٩٥ی هەموو تورکمانەکانی کوردستان کەوتوونەتە سنووری پارێزگای هەولێر بەڵام تەنها یەک کورسی بەر تورکمانەکان کەوتووە، لە بەرامبەردا %٥ی تورکمانەکان لە سنووری پارێزگای سلێمانیی و سنووری قەزای کفرین، کەچی ئەویش وەکوو پارێزگای هەولێر یەک کورسی بۆ داندراوە.
‎راشی گەیاند: "داوا دەکەن جارێکی دیکە پێداچوونەوە بەم ژمارەیە بکرێت و باڵانسی دابەشکردنی کورسییەکان ڕاست بکرێتەوە."
‎مونا قاوەچی ئاماژەی بەوەش کرد کە ئەوان لە هەوڵەکانیان بەردەوام دەبن بۆ چۆنیەتی چارەسەرکردنی ئەو گرفتە و بە تایبەتی بابەتی یەک بازنەی بۆ تورکمانەکان بۆیە ئێستا ئەوان دەخوازن لە سنووری پارێزگاکانی هەرێمی کوردستان چۆن بۆ کورسی گشتی دابەشبوونی بازنەیی هەیە بۆ کورسی کۆتاکانیش دابەشبوونی بازنەیی نەبێت.