هەولێر.. نرخی مۆلیدە ئەهلیەکان بۆ مانگی رابردوو دیاری کرا ‏

15:02 2025-05-03 60614 كوردستان 0

2025-05-03

60614

ئەمڕۆ شەممە، نرخی مۆلیدە ئەهلییەکان بۆ مانگی چوار لە شاری هەولێر دیاریکرا،کاتژمێرەکانی کارکردنی مۆلیدە بۆ ناوشار لە نێوان ٢٨٠ بۆ ٣٩٠ کاتژمێرە.
‏
‏ خۆران خۆرانی، سەرۆکی ئەنجومەنی مۆلیدە ئەهلییەکانی هەولێر، بەدەزگاکانی راگەیاندنی راگەیاند، نرخی مۆلیدە لە ناو شاری هەولێر و دەوروبەری دیاری کراوە و تێکرا کارکردنی کاتژمێری مۆلیدەکان رۆژانە بۆ مانگی ئایار، زیاتر لە ١٠ کاتژمێر بووە و ماوەی کارکردنی مۆلیدەکان ٣٣ رۆژە.
‏
‏وتیشی، کاتژمێرەکانی کارکردنی مۆلیدە ئەهلیەکان بۆ ناوشاری هەولێر لە نێوان ٢٨٠ بۆ ٣٩٠ کاتژمێرە و نرخی یەک ئەمپێر لە نێوان ١٢ بۆ ١٦ هەزار و ٧٥٠ دینارە و نرخی یەک کاتژمێری کارکردنی مۆلیدە ٤٣ دینارە.
‏
‏ئاماژەی بەوەشکرد، بۆ ناوبازاری شاری هەولێر، کاتژمێرەکانی کاردکردنی مۆلیدە لە نێوان ١١٦ بۆ ١٣٧ کاتژمێرە و نرخی یەک ئەمپێر لە نێوان ٦ بۆ ٧ هەزار دینارە و بۆ ئەم مانگە نرخی یەک کاتژمێر کارکردنی موەلیدە ٤٧ دینارە.
‏
‏هاوکات، دەوروبەری هەولێر و قەزاو ناحیەکان و گوندەکان، کاتژمێری کارکردنی موەلیدەکان لەنێوان ١٠٠ بۆ ٤٥٠ کاتژمێرە نرخی یەک ئەمپێر لە نێوان ٤ هەزار و ٧٥٠ بۆ ١٨ هەزار دینارە، وە بۆ یەک کاتژمێر کارکاکردنی موەلیدەکان ٤٠ بۆ ٤٧ دینارە .
‏
‏خۆران خۆرانی باسی لەوەشکرد، لێژنەی تایبەت بە هێنانی گازوایل بۆ یەک لیتر گازوایل بڕی ٥٤٢ دیناری هێناوە لە بۆرصەی فرۆشتنی گازوایل.
‏
‏هەروەها، لە داتاکاندا بۆ یەک کاتژمێر کارکردنی موەلیدە ٤٤ دینار دەرچووە، بەڵام وەکو ئەنجوومەنی موەلیدەکان لەبەر بەرژەوەندی گشتی و هاوڵاتیان نرخی گاز بۆ یەک لیتر ٥٢٥ دینار هەژمار کراوە، واتا بۆ یەک کاتژمێر کارکردنی موەلیدە ٤٣ چل و سێ دینار هەرژمار دەکرێت.