وەزارەتی دەرەوە: هیچ باڵه‌خانه‌یه‌كمان له‌ كۆریا نیه‌ تاوه‌كو فرۆشرابێت

23:29 2026-02-12 38247 عێراق 0

2026-02-12

38247

وه‌زاره‌تی ده‌ره‌وه‌ی عێراق رایگه‌یاند، ئه‌و ده‌نگۆ و راپۆرتانه‌ی باس له‌وه‌ده‌كه‌ن كه‌ باڵەخانەیەکی سەر بە باڵیۆزخانەی عێراق لە سیئۆل بە کەسایەتییەکی دیاری کۆماری کۆریای باشور فرۆشراوە، "دوره‌ له‌ راستییه‌وه‌"، عێراق خاوه‌نی هیچ باڵه‌خانه‌یه‌ك نیه‌ له‌و وڵاته‌دا.
وه‌زاره‌تی ده‌ره‌وه‌ی عێراق ئه‌مڕۆ پێنجشه‌ممه‌ له‌ راگه‌یه‌ندراوێكدا کەدەستی موتەڵع کەوتووە بڵاویكرده‌وه‌، بەدواداچون بۆ ڕاپۆرتە میدیاییەکان دەکات سەبارەت بەو تۆمەتانەی باس لەوە دەکەن کە باڵەخانەیەکی سەر بە باڵیۆزخانەی عێراق لە سیئۆل بە کەسایەتییەکی دیاری کۆماری کۆریای باشور فرۆشراوە.

ئاماژه‌ی به‌وه‌شكردوه‌، عێراق خاوەنی هیچ باڵەخانە و شوێنی نیشتەجێبونی باڵیۆزخانە نییە لە کۆریای باشور، باڵیۆزخانە بەپێی ڕێکەوتننامەی بەکرێدان کە لەلایەن وڵاتی میواندارەوە پەسەندکراوە، هاوشێوەی زۆرێک لە نوێنەرایەتییە دیپلۆماسییەکانی دیکە و بەپێی ڕێکارە ستانداردەکانی کارگێڕی و ڕێکخراوەیی به‌كرێ گیراوه‌.

وه‌زاره‌تی ده‌ره‌وه‌ی عێراق جه‌خت ده‌كاته‌وه‌ كه‌ "فرۆشتنی باڵەخانەیەک كه‌ خاوه‌نه‌كه‌ی بۆ عێراق دوره‌ له‌ راستییه‌وه‌ و بەتەواوی بێ بنەما و بێ بنەمان".
له‌ راگه‌یه‌ندراوه‌كه‌ی وه‌زاره‌تی ده‌ره‌وه‌ی عێراقدا هاتوه‌، داوا لە دەزگاکانی ڕاگەیاندن دەکات کە لە کاتی بڵاوکردنەوەی هەواڵی پەیوەندیدار بە دامەزراوەکانی دەوڵەتدا وردبینی و پشتبەستن بە سەرچاوە فەرمییەکان ببەستن بۆ ئەوەی زانیاری نادروست بڵاونەکەنەوە.