بۆ یەکەمجار لە دوای ساڵی ٢٠٢٢ەوە پەیوەندییەکی تەلەفۆنی لە نێوان پوتین و ماکرۆن ڕوویدا
كۆشکی کرێملین ،ئەمڕۆ سێشەممە ڕایگەیاند، ڤلادیمێر پوتین، سەرۆکی ڕووسیا و هاوتا فەرەنسییەکەی، ئیمانوێل ماکرۆن، یەکەم پەیوەندی تەلەفۆنییان ئەنجامدا کە بە ئاشکرا ڕاگەیەندرا لە دوای ساڵی ٢٠٢٢ەوە.
سەرۆکایەتی ڕووسیا لە بەیاننامەیەکدا ڕایگەیاند: ڤلادیمێر پوتین پەیوەندییەکی تەلەفۆنی لەگەڵ ئیمانوێل ماکرۆن، سەرۆکی فەرەنسا ئەنجامدا، ئەمەش یەکەم پەیوەندییان بوو لە دوای ئەیلولی ٢٠٢٢ەوە، ئەمەش دوای چەند مانگێک لە دەستپێکردنی هێرشە بەرفراوانەکەی مۆسکۆ بۆ سەر ئۆکرانیا.
کۆشکی کرملین ئاماژەی بەوەشکرد، سەرۆکی ڕووسیا و هاوتا فەرەنسییەکەی باسیان لە ڕووبەڕووبوونەوەی ئێران و ئیسرائیل و هێرشەکانی ئەمریکا بۆ سەر دامەزراوە ئەتۆمییەکانی ئێران کردووە.
لە بەیاننامەکەدا ئاماژە بەوەشکراوە، هەردوو سەرکردە پێویستی چارەسەرکردنی قەیرانی بەرنامە ئەتۆمییەکانی ئێرانیان بە ڕێگەی سیاسی و دیپلۆماسی دووپاتکردەوە و جەختیان لەسەر بەرپرسیارێتی ڕوسیا و فەرەنسا کردەوە بۆ پاراستنی ئاشتی لە ڕۆژهەڵاتی ناوەڕاست و ڕێگریکردن لە بڵاوبوونەوەی چەکی ئەتۆمی.
کرێملین ئەوەشی خستەڕوو کە پوتین لە کاتی بانگەوازەکەدا جەختیشی لەوە کردەوە کە ململانێی ڕووسیا و ئۆکرانیا کە زیاتر لە سێ ساڵ لەمەوبەر سەریهەڵدا، دەرئەنجامی ڕاستەوخۆی سیاسەتەکانی ڕۆژئاوایە.
بەگوێرەی بەیاننامەیەکی کرێملین، پوتین سەرۆکی فەڕەنسای ئاگادار کردۆتەوە کە ڕۆژئاوا سیاسەتی درێژکردنەوەی شەڕ و پێکدادانەکان بە دابینکردنی چەک بۆ ئۆکرانیا پەیڕەو دەکات.
لای خۆیەوە نووسینگەی ماکرۆن ڕایگەیاندووە، لە میانی پەیوەندییە تەلەفۆنییەکەدا، ماکرۆن جەختی لەسەر پێویستی پابەندبوونی ئێران بە پابەندبوونەکانی بەپێی پەیماننامەی قەدەغەکردنی چەکی ئەتۆمی بەتایبەتی هاوکاریی تەواوی لەگەڵ ئاژانسی نێودەوڵەتی وزەی ئەتۆمی کردەوە.
سەرۆکی فەرەنسا داوای لە هاوتا ڕووسیەکەی کردووە "بە زووترین کات" بە ئاگربەست لە ئۆکرانیا ڕازی بێت.
ماکرۆن جەختی لە "پاڵپشتی بێ چەواشەکاری فەرەنسا بۆ سەروەری و یەکپارچەیی خاکی ئۆکرانیا" کردەوە و "داوای دامەزراندنی ئاگربەست لە زووترین کات و دەستپێکردنی دانوستانەکانی نێوان ئۆکرانیا و ڕووسیا بۆ گەیشتن بە یەکلاییکردنەوەی بەردەوام و درێژخایەن لەگەڵ ململانێکان" کرد، بەپێی کۆشکی ئیلیسی.
نووسینگەی سەرۆکایەتی فەرەنسا ئاماژەی بەوەشکردووە، هەردوو سەرۆک کە لە ئەیلولی 2022ەوە قسەیان نەکردووە، بڕیاریانداوە هەوڵەکانیان هەماهەنگی بکەن و بەم نزیکانە قسە بکەن بۆ بەدواداچوون بۆ ئەو بابەتە.
كلمات مفتاحية
اخبار ذات صلة
.webp)
تعليقات
دوایین هەواڵەکان
سەرۆک کۆمار نامەیەکی پیرۆزبایی لە هاوتا تونسییەکەیەوە پێدەگات
بافڵ تاڵەبانی: کردنەوەی گەرووی هورمز هەنگاوێکی گرنگە بۆ سەقامگیری ناوچەکە
ترهمپ: رهنگه ماوهی ئاگربهست لهگهڵ ئێران درێژ نهكهمهوه
قاڵیباف: هەرچی ترەمپ دەیڵێت درۆیە
سەرچاوەیەک: مالیکی سودانی تێدەپەڕێنێت و لە وەرگرتنی پۆستی سەرۆک وەزیران نزیک دەبێتەوە
نهێنیەکانی پشت مردنی دوایین دڕندەکانی سەدام حەبووش تکریتی لە هەولێر
هەرێم بڕی ٤٣ ملیار دینار داهاتی نانەوتیی ڕادەستی بەغدا کرد
سودانی بۆ ماكرۆن: بكهرانی ئهو هێرشهی نزیك ههولێر دهستگیركراون كه ئهفسهره فهرهنسییهكهی تیادا كوژرا
عێراق: له رۆژی ههینییهوه دهست به گهشته ئاسمانییهكانی نێوخۆ و دهرهوه دهكرێتهوه
پهرلهمانی عێراق ئهندامانی لیژنهی دارایی پهسهندكرد؛ پێنج ئهندامیان كوردن
ترهمپ: لوبنان بهشێك نییه له رێككهوتنی ئاگربهست لهگهڵ ئێران
حکومەتی عێراق بەتوندی ئیدانهی هێرشەکانی ئهمڕۆی ئیسرائیل بۆ سەر لوبنان دەکات
سوپای پاسداران: هێرشهكانی سهر لوبنان رانهگیرێن، وهڵامی توندمان دهبێت
پزیشكیان: ئاگربهست له لوبنان مهرجێكی سهرهكی پێشنیاره 10 خاڵییهكهی ئێرانه
مەسرور بارزانی: هێرشەکەی سەر کونسوڵخانەی کوێت لە بەسرە پێشێلکردنی یاسا نێودەوڵەتییەکانە
ترەمپ: لەسەر داوای پاکستان هێرشەکانی سەر ئێران بۆ دوو هەفتە رادەگرم
عێراقچی: بە ئامانجگرتنی كارگهكانی وزە لەلایەن ئیسرائیلەوە پێچەوانەی وادەی ترەمپە
