سەید سەدر ستایشی دەرئەنجامەکانی کۆبوونەوەی لوتکەی "ڕیاز" دەکات

22:08 2023-11-11 38125 عێراق 0

2023-11-11

38125

سەید موقتەدا سەدر سەرۆکی رەوتی سەدر ستایشی دەرئەنجامەکانی کۆبوونەوەی لوتکەی "ڕیاز" دەکات و 10 پێشنیار پێشکەش دەکات لەسەر ڕووداوەکانی غەززە

سەدر لە پلاتفۆرمی X ڕایگەیاند " تەنها دەتوانم ستایشی ئیدانەکردن و سەرکۆنەکردنی وڵاتانی ئیسلامی و عەرەبی بکەم لە کۆبوونەوەکەی ئەمڕۆدا، بۆ کردەوە تیرۆریستییەکانی زایۆنییەکان دژی فەڵەستینی عەرەبی، هەروەها داواکارییەکانیان بۆ هەڵوەشاندنەوەی گەمارۆکە نەک سزادانی بەکۆمەڵ دژی خەڵکی مەدەنی."
وتیشی " هیوادارم سەرکردە ئیسلامی و عەرەبییەکان ئەمە وەک هەنگاوی یەکەم بنێن نەک دوایین هەنگاو، هەروەها کۆبوونەوەکەیان بە کراوەیی و بەردەوام بێت لەگەڵ بەردەوامبوونی تیرۆریزمی زایۆنی دژی فەلەستین بە گشتی و غەزە بەتایبەتی."
ئاماژەی بەوەشکردووە، "هەندێک پێشنیار دەخەمە بەردەمیان بۆ بڕیارەکانی دواتر کە دەتوانرێت لەلایەن ئەوانەوە دەربکرێت، لەوانە:
یەکەم: "ڕاگەیاندنی دۆخی ئاگادارکردنەوە بۆ سوپای ئیسلامی و عەرەبی، ئەگەر غەززە و بەرخۆدان بکەوێت، ئەمە کۆتایی ئەوانی دیکە دەبێت."
دووەم: "بایکۆتێکی ئابووری گشتگیر بۆ دوژمنی زایۆنی."
سێیەم: ڕاگرتنی هەناردەکردنی نەوتی ڕاستەوخۆ و ناڕاستەوخۆ بۆ دوژمنی زایۆنی، ئەگەر هەبێت."
چوارەم: "داخستنی باڵیۆزخانەکانی ئیسرائیل و بە تاوانکردنی ئاساییکردنەوەی هەموو وڵاتانی عەرەبی و ئیسلامی."
پێنجەم: "گەیاندنی یارمەتی پزیشکی و ژیان بۆ غەززە دژی خواستی زایۆنییەکان."
شەشەم: هەڕەشەیەکی بەهێزە بۆ سەر ئەو وڵاتانەی کە پشتیوانی لە قەوارەی زایۆنی دەکەن، بەتایبەتی بۆ ئەمریکا.
گەورەترین پشتیوانیکەر بە هەڕەشەی داخستنی بنکە سەربازییەکانی لە وڵاتانی ئیسلامی و عەرەبی."
حەوتەم: ڕاگرتنی دەنگە فەرمی و نافەرمییەکان کە پشتیوانی لە قەوارەی زایۆنی لە وڵاتەکانمان دەکەن بە سزادانیان بەپێی یاسا لە هەر وڵاتێکدا.
هەشتەم: داواکردن لە خەڵکی موسڵمان و عەرەب کە لە یەک کاتدا خۆپیشاندان بکەن بۆ غەززە و گوێ لەو کەسانە نەگرن کە بە ناڕەوا و دوژمنکارانە قەدەغەی دەکەن.
نۆیەم: "پشتیوانی لە بەرخۆدانی فەلەستینییەکان لە دۆسیەی دانوستانەکاندا سەبارەت بە زیندانییە فەڵەستینییەکان، لەوانە منداڵان و ژنان و ئەوانی تر، بە تەواوی ئەوانەی کە چەندین ساڵە لە زیندانەکانی داگیرکاری زایۆنییەکاندا ماونەتەوە، بەڵام بە دڵنیاییەوە."
دەیەم: "هەوڵدان بۆ تاوانبارکردنی قەوارەی زایۆنی بەو ڕاستییەی کە سەرکردەکەیان تاوانباری جەنگە."