دارایی پەرلەمان: كۆی بودجەی ساڵی 2024 نزیكەی 228 ترلیۆن دینارە
لیژنەی دارایی ئەنجومەنی نوێنەران، تەئكیدیكردەوە: كۆی بودجەی ساڵی 2024 نزیكەی 228 ترلیۆن دینارە.
نوسینگەی ڕاگەیاندنی سەرۆكی لیژنەی دارایی لە بەیاننامەیەكدا رایگەیاند: لیژنەی دارایی ئەنجومەنی نوێنەران بە سەرۆكایەتی عەتوان عەتوانی، میوانداری محەمەد تەمیم جێگری سەرۆك وەزیران و وەزیری پلاندانانی كرد، بۆ تاوتوێكردنی ڕێگاكانی تێپەڕاندنی ئاستەنگەكانی بەردەم لیستكردن و داراییكردنی پڕۆژەكان، هەروەها تاوتوێكردنی هۆكاری دواكەوتنی ناردنی خشتەی بودجەی ساڵی 2024 بۆ لیژنەكە.
لە بەیاننامەكەدا ئاماژە بەوەشكراوە: دوای ئەوەی عەتوانی لە سەرەتای كۆبوونەوەكەدا بەخێرهاتنی وەزیری پلاندانانی كرد، جەختیكردەوە: كە ئامانجی پەسەندكردنی بودجەی سێ ساڵی ئەوەیە كە نەرمی بدرێت بە حكومەت بۆ جێبەجێكردنی بەرنامەكەی.
وتیشی: دوێنێ لە كۆبوونەوە لەگەڵ پارێزگارەكان، لیژنەكە گفتوگۆی لەسەر ئاسانكردنی ڕێكارەكانی لیستكردن و دارایی پڕۆژە خزمەتگوزاری و ستراتیژییەكان كرد كە لەلایەن حكومەتە خۆجێییەكانەوە ئەنجام دەدرێن، هەربۆیە ئەمڕۆ پێشنیارەكانی پارێزگارەكان بۆ وەزیری پلاندانان دەخاتەروو سەبارەت بە ڕێگاكانی تێپەڕاندنی ئاستەنگەكانی بەردەم لیستكردن و داراییكردنی پڕۆژەكان.
بەگوێرەی بەیاننامەكە، عەتوانی پرسیارێكی ئاراستەی وەزیری پلاندانان كرد سەبارەت بە هۆكاری دواكەوتنی حكومەت لە ناردنی خشتەكانی بودجەی ساڵی 2024، هاوكات دووەمیان وەڵامی دایەوە كە لیژنەی حكومی بەرپرسیار لە پێداچوونەوە و وردبینی لەم خشتانە كار بۆ كەمكردنەوەی كورتهێنان دەكات كە دەگاتە 80 ترلیۆن دینار، چونكە بە كورتهێنانێكی گەورە دادەنرێت.
هاوكات عەتوانی وتی: لیژنەی دارایی بەوپەڕی خۆشحاڵییەوە چاوەڕێی ناردنی خشتەی بودجەی ساڵی 2024 ە بە خێرایی، چونكە بەردەوامی دواكەوتنی كاردانەوەی نەرێنی زیاتری لەسەر دارایی و جێبەجێكردنی پڕۆژەكان هەیە، جگە لە كاریگەرییەكانی لەسەر كەرتەكانی بەرهەمهێنان.
راشیگەیاند: كۆی بودجەی ساڵی 2024 نزیكەی 228 ترلیۆن دینار بووە.
لە بەرامبەردا، وەزیری پلاندانان، محەمەد تەمیم، ستایشی ئەو ڕۆڵە سەرەكییەی لێژنەی دارایی پەرلەمانی كرد لە چاودێریكردنی خەرجییەكان و دانانی ئەولەویەتەكان و پاڵپشتیكردنی دەسەڵاتی جێبەجێكردن لە جێبەجێكردنی بەرنامەی حكومەتەكەی.
ئاماژە بەوەشكرد: وەزارەتەكەی پشت بە بەرنامەیەكی ئەلیكترۆنی پێشكەوتوو دەبەستێت بۆ جێبەجێكردنی مەرجەكانی لیستكردنی پڕۆژەكان، و لەڕووی ئاسانكردنی ڕێكارەكانەوە ڕێگەیەكی دووری بڕیوە.
كلمات مفتاحية
اخبار ذات صلة
تعليقات
دوایین هەواڵەکان
سەرۆک کۆمار نامەیەکی پیرۆزبایی لە هاوتا تونسییەکەیەوە پێدەگات
بافڵ تاڵەبانی: کردنەوەی گەرووی هورمز هەنگاوێکی گرنگە بۆ سەقامگیری ناوچەکە
ترهمپ: رهنگه ماوهی ئاگربهست لهگهڵ ئێران درێژ نهكهمهوه
قاڵیباف: هەرچی ترەمپ دەیڵێت درۆیە
سەرچاوەیەک: مالیکی سودانی تێدەپەڕێنێت و لە وەرگرتنی پۆستی سەرۆک وەزیران نزیک دەبێتەوە
نهێنیەکانی پشت مردنی دوایین دڕندەکانی سەدام حەبووش تکریتی لە هەولێر
هەرێم بڕی ٤٣ ملیار دینار داهاتی نانەوتیی ڕادەستی بەغدا کرد
سودانی بۆ ماكرۆن: بكهرانی ئهو هێرشهی نزیك ههولێر دهستگیركراون كه ئهفسهره فهرهنسییهكهی تیادا كوژرا
عێراق: له رۆژی ههینییهوه دهست به گهشته ئاسمانییهكانی نێوخۆ و دهرهوه دهكرێتهوه
پهرلهمانی عێراق ئهندامانی لیژنهی دارایی پهسهندكرد؛ پێنج ئهندامیان كوردن
ترهمپ: لوبنان بهشێك نییه له رێككهوتنی ئاگربهست لهگهڵ ئێران
حکومەتی عێراق بەتوندی ئیدانهی هێرشەکانی ئهمڕۆی ئیسرائیل بۆ سەر لوبنان دەکات
سوپای پاسداران: هێرشهكانی سهر لوبنان رانهگیرێن، وهڵامی توندمان دهبێت
پزیشكیان: ئاگربهست له لوبنان مهرجێكی سهرهكی پێشنیاره 10 خاڵییهكهی ئێرانه
مەسرور بارزانی: هێرشەکەی سەر کونسوڵخانەی کوێت لە بەسرە پێشێلکردنی یاسا نێودەوڵەتییەکانە
ترەمپ: لەسەر داوای پاکستان هێرشەکانی سەر ئێران بۆ دوو هەفتە رادەگرم
عێراقچی: بە ئامانجگرتنی كارگهكانی وزە لەلایەن ئیسرائیلەوە پێچەوانەی وادەی ترەمپە
