سەرۆك وەزیران واژۆكردنی ڕێككەوتنێك لەگەڵ ژاپۆن بۆ دابینكردنی دارایی كارگە بچووك و مامناوەندەكان ڕادەگەیەنێت
ئەمڕۆ پێنجشەممە، سەرۆكی ئەنجومەنی وەزیران محەمەد شیاع سودانی، واژۆكردنی ڕێككەوتنێكی لەگەڵ ژاپۆن بۆ دابینكردنی دارایی كارگە بچووك و مامناوەندەكانی ڕاگەیاند، هاوكات ئاماژەی بەوەدا كە ئەمە یارمەتیدەر دەبێت بۆ بوژاندنەوە و دامەزراندنی پیشەسازی نیشتمانی.
نوسینگەی ڕاگەیاندنی سەرۆكی ئەنجومەنی وەزیران لە راگەیندراوێكدا بڵاویکردەوە " محەمەد شیاع سودانی، سەرۆكی ئەنجومەنی وەزیران ،بەیانی ئەمڕۆ پێنجشەممە كاركردنی لە پڕۆژەی ئاشی ئیتیحاد ڕاگەیاند لە شاری مەدحەتییە لە پارێزگای بابل، كە یەكێك لە پڕۆژەكانی كەرتی تایبەت بۆ بەرهەمهێنانی ئاردی سفر لە ناوخۆدا و توانای بەرهەمهێنانی ساڵانەی دەگاتە یەك ملیۆن تۆن".
هەر بەگوێری راگەیندراوەكە "سەرۆك وەزیران پڕۆژەی فراوانكردنی كارگەی شەكری لە كۆمپانیای ئیتیحاد كردەوە، دوای زیادكردنی هێڵی بەرهەمهێنانی نوێ بۆ بەرهەمهێنانی شەكر، بۆ زیادكردنی توانای بەرهەمهێنانی كارگەكە لە (4200) تۆن لە ڕۆژێكدا بۆ (6000) تۆن لە ڕۆژێكدا".
هەروەها ئەوەیش هاتووە كە "لە وتارەكەیدا، سودانی ئاماژەی بەوە كرد ئەم پێشكەوتنە بە چیرۆكێكی سەركەوتن دادەنرێت لە كەرتی تایبەتدا و جەختی لە پشتیوانی بێ سنووری حكومەت كردەوە لە پێناو هەلی كاری زیاتردا، چونكە لە ئێستادا چالاكییەكانی كۆمپانیاكە نزیكەی 4000 دەرفەت لەخۆدەگرێت، جگە لە زیادكردنی بەرهەمهێنان و دابینكردنی زیادەكەی لە داهاتوودا بۆ هەناردەكردن بۆ دەرەوەی عێراق".
بە گوێرەی راگەیندراوەكە" سەرۆك وەزیران داوای لە بازرگانان و كۆمپانیاكانی كەرتی تایبەت كرد سوود لەو دەرفەتە وەبەرهێنانانە و ئەو گەرەنتییە سەروەرییانە وەربگرن كە لەلایەن دەوڵەتەوە پێشكەش دەكرێت لە ڕێگەی یاسای بودجەی سێ ساڵییەوە، هەروەها واژۆكردنی ڕێككەوتنێكی لەگەڵ ژاپۆن ڕاگەیاند بۆ دارایی كردنی پڕۆژە بچووك و مامناوەندەكان بە بڕی 300 ملیۆن دۆلار، كە یارمەتیدەر دەبێت لە بوژاندنەوە و دامەزراندنی پیشەسازی نیشتمانی".
جێگای باسە كۆمپانیای ئیتیحاد بۆ پیشەسازی خۆراكی سنوردار لە پارێزگای بابل بە یەكێك لە گەورەترین كۆمپانیاكانی پیشەسازی لە عێراق دادەنرێت و شەش كارگە لەخۆ دەگرێت ئەوانەش: كارگەی پاڵاوتنی شەكر و كارگەی پاڵاوتنی ڕۆنی ڕووەكی و كارگەی بەرهەمهێنانی ئاڵفی ڕووەك و كارگەی دەرهێنانی سۆیا وكارگەی بەرهەمهێنانی پرێمیكس و كارگەی وشككردنەوەی گەنمە شامی زەرد".
كلمات مفتاحية
اخبار ذات صلة
تعليقات
دوایین هەواڵەکان
سەرۆک کۆمار نامەیەکی پیرۆزبایی لە هاوتا تونسییەکەیەوە پێدەگات
بافڵ تاڵەبانی: کردنەوەی گەرووی هورمز هەنگاوێکی گرنگە بۆ سەقامگیری ناوچەکە
ترهمپ: رهنگه ماوهی ئاگربهست لهگهڵ ئێران درێژ نهكهمهوه
قاڵیباف: هەرچی ترەمپ دەیڵێت درۆیە
سەرچاوەیەک: مالیکی سودانی تێدەپەڕێنێت و لە وەرگرتنی پۆستی سەرۆک وەزیران نزیک دەبێتەوە
نهێنیەکانی پشت مردنی دوایین دڕندەکانی سەدام حەبووش تکریتی لە هەولێر
هەرێم بڕی ٤٣ ملیار دینار داهاتی نانەوتیی ڕادەستی بەغدا کرد
سودانی بۆ ماكرۆن: بكهرانی ئهو هێرشهی نزیك ههولێر دهستگیركراون كه ئهفسهره فهرهنسییهكهی تیادا كوژرا
عێراق: له رۆژی ههینییهوه دهست به گهشته ئاسمانییهكانی نێوخۆ و دهرهوه دهكرێتهوه
پهرلهمانی عێراق ئهندامانی لیژنهی دارایی پهسهندكرد؛ پێنج ئهندامیان كوردن
ترهمپ: لوبنان بهشێك نییه له رێككهوتنی ئاگربهست لهگهڵ ئێران
حکومەتی عێراق بەتوندی ئیدانهی هێرشەکانی ئهمڕۆی ئیسرائیل بۆ سەر لوبنان دەکات
سوپای پاسداران: هێرشهكانی سهر لوبنان رانهگیرێن، وهڵامی توندمان دهبێت
پزیشكیان: ئاگربهست له لوبنان مهرجێكی سهرهكی پێشنیاره 10 خاڵییهكهی ئێرانه
مەسرور بارزانی: هێرشەکەی سەر کونسوڵخانەی کوێت لە بەسرە پێشێلکردنی یاسا نێودەوڵەتییەکانە
ترەمپ: لەسەر داوای پاکستان هێرشەکانی سەر ئێران بۆ دوو هەفتە رادەگرم
عێراقچی: بە ئامانجگرتنی كارگهكانی وزە لەلایەن ئیسرائیلەوە پێچەوانەی وادەی ترەمپە
