هێزە چەکدارەکانی عێراق: رێوشوێنی پێویست لە دژی پێشێلکردنی سەروەریی وڵات لەلایەن ئیسرائیلەوە گیراوەتەبەر ‏ ‏

22:47 2025-06-14 83306 عێراق 0

2025-06-14

83306

ئەمڕۆ شەممە ،وتەبێژی فەرماندەی گشتی هێزە چەكدارەكان سەباح نوعمان جەختیکردەوە كە عێراق رێوشوێنی پێویست لە دژی پێشێلکردنی سەروەریی وڵات لەلایەن ئیسرائیلەوە گرتوەتەبەر .

‏نوعمان لە بەیاننامەیەكدا ڕایگەیاند : حكومەتی عێراق ڕەتكردنەوەی ڕەها و تەواوەتی خۆی لە پێشێلكردنی ئاسمانی عێراق و بەكارهێنانی لە هێرشە سەربازییەكانی قەوارەی زایۆنیستی دژی كۆماری ئیسلامیی ئێران یان دژی هەر یەكێك لە دراوسێ ناوچەییەكانی دووپات دەكاتەوە، ئەمە نوێنەرایەتی پابەندبوونێكی بنەڕەتی و دەستووری عێراق دەكات بە سیاسەتی دراوسێیەتی باش و ڕێگریكردن لە بەكارهێنانی ئەو وڵاتە، زەوی و ئاو و ئاسمانی وەك شوێنی هەڵدانی هەر هێرشێك كە وڵاتانی دراوسێ بكاتە ئامانج، كە ئێمە باشترین پەیوەندیمان لەگەڵیاندا لە ئاستە جیاوازەكاندا دەپارێزین.

‏ئاماژەی بەوەشكرد : حكومەتی عێراق بەدواداچوون لەگەڵ لایەنە نێودەوڵەتییە پەیوەندیدارەكان دەكات لەسەر هەموو ئەو كارە نایاساییانە، كە پێشێلكردنی ئاشكرای سەروەری عێراق و بنەماكانی یاسا نێودەوڵەتییەكان پێكدەهێنن و كاردانەوەی نەرێنییان بۆ سەقامگیری و ئارامی لە ناوچەكەدا هەیە.

‏

‏ناوبراو ئاماژەی بۆ ئەوەش كرد : كە حكومەتی عێراق داوا لە ویلایەتە یەكگرتووەكانی ئەمەریكا دەكات بەرپرسیارێتی خۆی بگرێتە ئەستۆ، بەپێی ئەو ڕێككەوتنانەی لە نێوان هەردوو وڵات و نۆرم و ڕێككەوتننامە نێودەوڵەتییەكان ئەنجام دراون، بۆ ئەوەی ڕێگە لە فڕۆكەكانی ئەو قەوارە زایۆنییە بگرێت كە چەندین جار ئاسمانی عێراق پێشێل نەكەن و هێرش ئەنجام بدەن.

‏ڕوونیشیكردەوە : عێراق خۆی پابەندكردووە بە بەرزترین ئاستەكانی خۆگرتن، بەو هیوایەی ڕێگە خۆشبكات بۆ چارەسەری دیپلۆماسی و سیاسی بۆ هێوركردنەوەی قەیرانەكە لە ڕێگەی ئاشتیانە مافی خۆیەتی، بەپێی یاسا نێودەوڵەتییەكان و ڕێككەوتننامەكانی نەتەوە یەكگرتووەكان، تواناكانی بەكاربهێنێت بۆ ڕووبەڕووبوونەوەی هەر پێشێلكارییەكی سەروەری نیشتمانی لەلایەن هەر لایەنێكەوە.

‏ناوبراو ووتیشی: كۆماری عێراق بە پشت بەستن بە ڕێنماییەكانی سەرۆك وەزیران و فەرماندەی گشتی هێزە چەكدارەكان و لە ڕێگەی وەزارەتی دەرەوە و نوێنەرایەتی ئێراق لە ڕێكخراوی نەتەوەكان، ڕێوشوێنی كردەیی لە دژی پێشێل كردنی سەروەریی قەوارەی زایۆنیستی بە پێشێل كردنی ئاسمانی ئێراق گرتووەتە بەر.