موتەڵع ناوەڕۆکی کۆبوونەوەی وەزیرانی دەرەوەی ئێران و بەریتانیا و ئەڵمانیا و فەڕەنسا بڵاودەکاتەوە

22:14 2025-06-20 74260 عەرەبی و نێودەوڵەتی 0

2025-06-20

74260

وەزیرانی دەرەوەی بەیاننامەی وەزیرانی دەرەوەی فەرەنسا، بەریتانیا، ئەڵمانیا و یەکێتیی ئەورووپا دوای کۆبونەوەکەیان لەگەڵ وەزیری دەرەوەی ئاماژەیان بەوەکرد" پێویستە هەموو لایەنەکان خۆیان لە هەنگاونان بەدوور بگرن کە دەبێتە هۆی پەرەسەندنی زیاتر "جەختیشيان کردەوە، کە ئێران نابێت چەکی ئەتۆمی هەبێت و هانی دانووستان نێوان ئەمریکا و ئێران دەدەن.
‏
‏دوای کۆبوونەوەکە کۆنگرەیەکی ڕۆژنامەنووسی ئەنجامدرا و سەرەتا یۆهان وادپۆڵ، وەزیری دەرەوەی ئەڵمانیا وتی: بەرنامەی ئەتۆمییەکەی ئێران مەترسییەکی گەورەیە و گفتوگۆی جددیمان کرد.
‏
‏پاشان، دەیڤد لامی، وەزیری دەرەوەی بەریتانیا ئاماژەی بەوەدا، ڕاشکاوین و نابێت ئیران چەکی ئەتۆمی هەبێت، هانی ئێران دەدەین بەردەوامبێت لە دانووستان لەگەڵ ئەمریکا.
‏
‏لە درێژەی کۆنگرە ڕۆژنامەنووسییەکەدا، ژان نوێل بارۆ، وەزیری دەرەوەی فەرەنساش وتی: بەرنامە ئەتۆمییەکەی ئێران هەڕەشەیەکی گەورەیە و لەڕێگەی دیپلۆماسی و گفتوگۆوە دەکرێت بەرنامە ئەتۆمییەکەی ئێران چارەسەر بکرێت.
‏
‏بارۆ ئاماژەی بەوەشدا، ئێران ویستی خۆی بۆ دانووستان لەسەر پڕۆگرامە ئەتۆمییەکەی پێ ڕاگەیاندین، ئێمە لێرەین لەپێناو دەستپێشخەرییەکی دیپلۆماسی بۆ نەهێشتنی گرژییەکانی ڕۆژهەڵاتی نێوەڕاست.
‏
‏هەروەها کایا کالاس، جێگری سەرۆکی ئەنجوومەنی یەکێتیی ئەورووپا وتی: دەبێت دەرگای دانووستاندن لەگەڵ ئێران بە کراوەیی بهێڵینەوە و گفتوگۆ لەسەر بەرنامەی ئەتۆمی دەکەین.
‏
‏ئەمڕۆ، عەباس عێراقچی، وەزیری دەرەوەی ئێران، گەیشتە جنێڤی پایتەختی سوویسرا و لەگەڵ یوهان وادپۆڵ، وەزیری دەرەوەی ئەڵمانیا، دەیڤد لامی، وەزیری دەرەوە بەریتانیا، ژان نوێل بارۆ، وەزیری دەرەوەی فەرەنسا و کایا کالاس، جێگری سەرۆکی ئەنجوومەنی یەکێتیی ئەورووپا کۆبوویەوە.