ڕێنمایی نوێ بۆ بانگەشەی هەڵبژاردن و چاودێریکردنی ڕیکلامی ئۆنلاین

22:58 2025-10-02 39348 عێراق 0

2025-10-02

39348

ئەمڕۆ پێنجشەممە، جومانە غەلای، وتەبێژی کۆمسیۆن، ڕێسای توند سەبارەت بە هەڵمەتەکانی هەڵبژاردن ڕاگەیاند، لە کاتێکدا ئاماژەی بە پێکهێنانی لیژنەی تایبەت کرد بۆ بەدواداچوونی بانگەشەی هەڵبژاردن لە تۆڕە کۆمەڵایەتییەکاندا.
غەلای بە ئاژانسی فەرمی کەموتەڵع بەدواداچوونی بۆ کردووە ڕاگەیاند: "کۆمسیۆن کارەکانی لەگەڵ ئەمانەتی بەغدا و فەرمانگەکانی شارەوانی هەماهەنگ دەکات بۆ دابینکردنی پشتگیری و یارمەتی و چاودێری مەیدانی، جگە لە هەماهەنگی لەگەڵ دەستەی ڕاگەیاندن و پەیوەندییەکان سەبارەت بە ڕێکخستنی بانگەشە لە ڕێگەی دەزگاکانی ڕاگەیاندنی جیاوازەوە، لەگەڵ بوونی لیژنەی تایبەتمەند بۆ بەدواداچوونی ئەو شتانەی کە لە پلاتفۆرمەکانی تۆڕە کۆمەڵایەتییەکاندا بڵاودەکرێنەوە".
ڕوونیشی کردەوە کە "سیستەمی هەڵمەتەکانی هەڵبژاردن ژمارە (4)ی ساڵی 2025 ڕێسای توندی داناوە، لە دیارترینیان، قەدەغەکردنی بەکارهێنانی کاریگەریی فەرمی یان بەکارهێنانی باڵەخانەکانی وەزارەتەکان و دامودەزگاکانی دەوڵەت و شوێنە ئایینییەکان لە بانگەشەی هەڵبژاردندا، جگە لە قەدەغەکردنی بەکارهێنانی دروشمی دەوڵەت یان دروشمی کۆمسیۆن لە هەڵمەتەکاندا".
زیاتری وت کە "ڕێنماییەکان قەدەغەی بەکارهێنانی کاریگەریی فەرمی لەلایەن فەرمانبەرانی دەوڵەت و دەسەڵاتە خۆجێییەکانەوە دەکات، لەوانەش پێدانی نامەی سوپاس و پێزانین یان فەرمانی دامەزراندن یان پێدانی زەوی نیشتەجێبوون وەک بەڵێنی هەڵبژاردن، هەروەها قەدەغەی بەکارهێنانی توانای ماددی و مرۆیی دەوڵەت لە پێناو بانگەشەدا دەکات".
کۆمسیۆن درێژەی بە قسەکانی دا، "کە سیستەمەکە قەدەغەی خەرجکردنی پارەی بودجەی گشتی لەسەر هەڵمەتەکان دەکات، و هەر جۆرە فشار یان زۆرێک لەسەر دەنگدەران یان ئاراستەکردنی ئیرادەیان بۆ بەرژەوەندی کاندیدێک یان لایەنێکی سیاسی دیاریکراو قەدەغە دەکات، هەروەها قەدەغەی هێنانی هەر بیرۆکەیەک دەکات کە بانگەشە بۆ وروژاندنی توندوتیژی و ڕق و کینە یان ناکۆکی تائیفی یان نەتەوەیی یان ئایینی یان خێڵەکی بکات لەناو هەڵمەتەکانی هەڵبژاردندا، چ لە ڕێگەی وێنە یان وتار یان دەزگاکانی ڕاگەیاندنی جیاوازەوە بێت