حەکیم: عێراق بەردەوامە لە جێبەجێکردنی شایستەکان بەپێی کاتە دەستوورییەکان

20:56 2025-12-16 26617 عێراق 0

2025-12-16

26617

سەرۆکی هاوپەیمانی هێزەکانی دەوڵەتی نیشتمانی، سه‌ید عەمار حەکیم، ئەمڕۆ سێشەممە، دووپاتی کردەوە کە عێراق بەردەوامە لە جێبەجێکردنی شایستە داهاتووەکان بەپێی کاتە دەستوورییەکان.
نووسینگەی ڕاگەیاندنی سه‌ید حەکیم لە راگه‌یندراوێكدا کە بەدەستی ئاژانسی هەواڵی موتەڵع گەیشتووە، ڕایگەیاند کە "سەرۆکی هاوپەیمانی هێزەکانی دەوڵەتی نیشتمانی، سه‌ید عەمار حەکیم، پێشوازی لە کارگێڕی باڵیۆزخانەی ویلایەتە یەکگرتووەکانی ئەمریکا لە عێراق، جۆشوا هاریس، کرد، کە تیایدا بیروڕا گۆڕدرایەوە سەبارەت بە دۆخی سیاسی لە عێراق و ناوچەکە، جگە لە پەیوەندییە دوولایەنەکان لەنێوان عێراق و واشنتۆن، لەگەڵ جەختکردنەوە لەسەر پەرەپێدانی ئەم پەیوەندییانە بە شێوەیەک کە خزمەت بە بەرژەوەندیی هەمووان بکات".
بەپێی راگه‌یندراوه‌كه‌ سه‌ید حەکیم ئاماژەی بە "سروشتی شایستە داهاتووەکان" کرد، و ڕوونی کردەوە کە "عێراق بەردەوامە لە جێبەجێکردنیان بەپێی کاتە دەستوورییەکان"، داوای لە هەمووان کرد کە "پشتگیری لە بژاردەکانی گەلی عێراق بکەن لە دیاریکردنی پێشینەکانی بۆ قۆناغی داهاتوو، بەتایبەتی پێشینەکانی خزمەتگوزاری، ئابووری و ئاڵنگارییەکانی کەشوهەوا".
سه‌ید حەکیم جەختی لە "گرنگی خوێندنەوەی پەیامە ئەرێنییەکان کردەوە کە گەلی عێراق لە هەڵبژاردنەکانی ڕابردوودا ناردوویەتی، لە ڕووی ڕێژەی بەشداریکردنی بەرز و پابەندبوونی کۆمەڵگەی عێراقی بە ڕێڕەوی دیموکراسی و هەڵبژاردن"، ئاماژەی بە "گرنگی پشتگیریکردنی سەقامگیری لە عێراق" کرد، بەهۆی ئەو ڕۆڵەی کە هەیەتی لە بەهێزکردنی سەقامگیری ناوچەکە و جیهان.