سەرۆکی ئەنجومەنی وەزیران سەرۆکایەتی کۆبوونەوەیەکی تایبەت دەکات بە پێداچوونەوە بە پلانەکانی پەرەپێدانی کەرتی کارەبا

15:19 2023-12-12 82933 عێراق 0

2023-12-12

82933

سەرۆکی ئەنجومەنی وەزیران مەحەمەد شەیاع سودانى ئەمڕۆ سێشەممە سەرۆکایەتی کۆبوونەوەیەکی کرد کە تایبەت بوو بە پێداچوونەوە بە پلانەکانی پەرەپێدانی کەرتی کارەبا بە ئامادەبوونی وەزیرانی پلاندانان و کارەبا و پیشەسازی، جگە لە ژمارەیەک لە بریکار و بەڕێوەبەرانی گشتی و ڕاوێژکاران.

بەگوێرەی راگەیەندراوێکی نوسینگەی ڕاگەیاندنی سەرۆکی ئەنجومەنی وەزیران سەرۆک وەزیران ستایشی هەوڵەکانی وەزارەتی کارەبای کرد لە وەرزی ڕابردوودا و جەختی لە یەکخستنی سەرجەم شارەزاییە نیشتمانییەکان کردەوە بۆ چارەسەرکردنی ئەو کێشانەی کە دەبنە هۆی دواکەوتنی نوێکردنەوەکان لە کەرتی کارەبادا و ئاماژەی بەوەش دا کە کۆنترۆڵکردنی خواست و کەمکردنەوەی بەکارهێنان باشترە لە زیادکردنی بەرهەمهێنان.

سودانی جەختی کردەوە لەسەر پێویستی تێکەڵکردنی بیرۆکەکان لە نێوان وەزارەتە کەرتییەکانی پەیوەست بە وزەوە و دەبێت خاڵی دەستپێکێک بۆ دەستپێکردنی کاری هاوبەش لە نێوانیاندا دابنرێت، و ئاماژەی بە پێویستی گرنگیدان بە کێشەی وزەی بەفیڕۆچوو و دەرهێنانیانی لە یەکەکانی بەرهەمهێنانی کارپێکردن کرد، جگە لە ڕەچاوکردنی ڕێوشوێنەکانی جیاکردنەوەی گەرمی لە کۆمەڵە و بیناکانی نیشتەجێبوون بە مەبەستی باشترکردنی ئاستی ئەم کەرتە گرنگە.

هەر لە کۆبوونەوەکەدا بڕیاردرا بە ڕاسپاردنی وەزارەتی پلاندانان بۆ ئامادەکردنی توێژینەوە و ڕاسپاردەکان بۆ کۆنترۆڵکردنی زیادبوونی خواست لەسەر وزەی کارەبا، هەروەها ئامادەکردنی لێکۆڵینەوەیەک بۆ پێداچوونەوە بە ڕێژەی باج لەسەر هاوردەکردنی ئەو ئامێرانەی کە وزەی زیاتر بەکاردەهێنن و تایبەتمەندییە ستانداردەکان لە کردارەکانی هاوردەکردن پەیڕەو بکەن.